اُسے تری تمنّا ہی ہے کیا کیا جائے

اُسے تری تمنّا ہی ہے کیا کیا جائے تہی بتا دلِ وحشی سے کیا کہا جائے

جہاں بھی وصل کے وعدوں پہ جی رہا ہے کوئی صدائے ہجر وہاں تک تو ہے روا جائے

ہمارے شہر میں تنہائی کی کمی تو نہیں تو کس لحاظ سے پھر دشت میں رہا جائے

وہی ہے ساقیء دوراں تو پھر بڑھے آگے پلادے ایسی کہ اوروں کا سب نشہ جائے

بچا رہوں گا میں ذلّت کی دھوپ سے جب تک نہ میرے سر سے ترے ہاتھ کی ردا جائے

ہوائیں لاکھ دھکیلیں مجھے عدم کی طرف بلاوا آئے نہ جب تک مری بلا جائے

وفا کی راہ میں آنکھیں بچھی تھیں اپنی مگر یہ کون کہتا ہے وہ بے وفا چلا جائے

جہاں جہاں سے پکارا گیا مجھے اشعؔر میں چاہتا ہوں وہاں تک مری صدا جائے