اگر وہ میری محبّت کے ہاتھ آجائے

اگر وہ میری محبّت کے ہاتھ آجائے لبوں پہ میرے بھِی جینے کی بات آجائے

نہ جس نے دیکھا سویرا نہ روشنی اب تک بلا سے اس کی اگر پھر سے رات آجائے

جسے عزیز ہے آرام، چین سے بیٹھے جسے پسینہ بہانا ہے ساتھ آجائے

بہا کے اشک جہاں بھر کو جیت لیتا ہے جسے بھی راس یہ اشکوں کی گھات آجائے

ہے بدزبانی سے اچھا کہ بے زبان رہو زباں کو کھولنا، کرنا جو بات آجائے

اجل کا خوف ہے جس کو، وہ گھر میں بیٹھا رہے جو زندگی کو کہے بے ثبات، آجائے

یقیں یہی تھا کہ جیتوں گا میں مگر اشعؔر علاج کیا جو مقدّر میں مات آجائے