کیسے کہوں تَصُوّرِ منزل نہیں کوئی

کیسے کہوں تَصُوّرِ منزل نہیں کوئی جب تک حدِ نگاہ میں ساحل نہیں کوئی

پاسِ وفا فراق میں رکھنا تمام عمر کیسا سفید جھوٹ ہے مُشکل نہیں کوئی

یوں تو حکیم الاُمّتِ مسلم ہیں اور بھی اقبال جیسا جوَ ہرِ قابل نہیں کوئی

سب سے بڑا ثبوت ہے مقتل کی روشنی زندانیوں میں دیکھ لو باطل نہیں کوئی

ہم آج بھی فقیروں سے ابتر ہیں دہر میں در پر ہمارے آج بھی سائل نہیں کوئی

ناصح نے مجھ کو عشق میں سرکش بنادیا بس اور میرے جرم میں شامل نہیں کوئی

صدقہِ میں جن کے چاند ستاروں میں نُور ہے اشعؔر وہی ہیں اور مہِ کامل نہیں کوئی