زخموں سے مُحبّت ہے سو رویا نہیں کرتے

زخموں سے مُحبّت ہے سو رویا نہیں کرتے ہم دل کا لہو اشکوں سے دھویا نہیں کرتے

خاموشی کے لہجہِ میں وہ آنکھوں کی زباں سے کرتے ہیں گلہ ایسے، گویا نہیں کرتے

خوابوں کا تو نْقصان ہوا ہے، مگر اس کا زانو نہ مُیسّر ہو تو سویا نہیں کرتے

روکے ہوئے رکھتی ہیں جو سیلاب وہ مژگاں ماتم کی فضاء میں بھی بھگویا نہیں کرتے

ہوجائے کہیں محو نہ صدیوں کی جُدائی ہم داغِ تمنّا کوئی دھویا نہیں کرتے

اُلفت کا ثمر صحن میں درکار ہو جن کو نفرت وہ کبھی شہر میں بویا نہیں کرتے

کیا خوب سنبھالے ہوئے رکھتی ہیں وہ جھیلیں ہم ڈوب کے ان آنکھوں میں کھویا نہیں کرتے

اکثر یہی دیکھا ہے کہ اشعؔر کو کسی کا مل جاتا ہے شانہ بھی تو رویا نہیں کرتے