وہ جس کی عمر کٹی حق کو آزمانے میں

وہ جس کی عمر کٹی حق کو آزمانے میں اُسے ملی نہ حقیقت کسی فسانہِ میں

سوادِ ساحلِ دریا بھی جانتا ہوں مگر مزہ کچھ اور ہی آتا ہے ڈوب جانے میں

بجا ہے آپ کا کہنا کہ دیکھنا تھا ہمیں اِدھر اُدھر کا بھی ماحول گھر بنانے میں

وہی چراغ تو سب آندھیوں کی زد پر ہیں جگر کا خون لگا ہے جنہیں جلانے میں

کیا ہے میں نے ہی رسوا تمہیں، یہ تہمت ہے تمہارا ذکر کہاں ہے، مرے فسانہِ میں

اس ایک لمحہء دار و رسن پہ کیا سودا عذاب جھیلا ہے پندار کو بچانے میں

ہے اختیار وجود و عدم پہ کیا اشعؔر نہ رائے آنے میں اپنی نہ رائے جانے میں