چھوڑ کر دامن تیرا یہ سچ ہے مرجائیں گے ہم

چھوڑ کر دامن تیرا یہ سچ ہے مرجائیں گے ہم زندگی تیرے لیے اتنا تو کرجائیں گے ہم

اس طرف بازارِ نفرت گرم ہے تو کیا ہوا لے کےسودائے محبت ہی اُدہرجائیں گے ہم

صرف تاریکی کرو تقسیم اس وعدہ کے ساتھ روشنی سے قوم کے دامن کو بھر جائیں گے ہم

جیسے تیسے جی رہے ہیں اپنی خوشیوں کے بغیر درد نے تیرے مگر چھوڑا تو مرجائیں گے ہم

ہم جہاں پہنچے وہاں بس دشت و صحرا ہی ملے چھوڑ کر اپنا مکاں سوچا تھا گھر جائیں گے ہم

وقت کے مرہم سے کچھ ہوگی امیدِ اندمال ورنہ کیوں کہتے ہمارے زخم بھر جائیں گے ہم

پائیں گی اشعؔر ہوائیں سامنے ہم کو سدا چل دیے گردوش پر ان کے بکھر جائیں گے ہم