پتا ہے ساتھ نہ دے گی ہوا زمانہِ کی

پتا ہے ساتھ نہ دے گی ہوا زمانہِ کی مری وفا کو ضرورت بھی کیا فسانہِ کی

نکل کے جاتی ہی کیوں برق دشت کی جانب فضا جب اچھی لگی میرےآشیانہِ کی

کبھی بہ ہجر و تغافل کبھی بہ مہر و وفا ہیں اُسی کی اپنی تراکیب آزمانے کی

ہے ابر چھایا ہوا شام ہے مگر یہ لوگ نہ خود پئیں گے نہ خواہش ہے کچھ پلانے کی

تم اپنے زخموں کی توقیر چاہتے ہو تو پھر زمانہِ بھر کو ضرورت ہی کیا دکھانے کی

ہوا نے ٹھانی اگر ہے کہ تیرگی ہی رہے تو پھر ہماری بھی ضد ہے دیے جلانے کی

وہ قصّہ پورا میں اشعؔر بیان کیسے کروں ہیں کچھ بتانے کی باتیں تو کچھ چھپانے کی