| اس نے دنیائے عنایات مقابل رکھ دی جادۂ خواب کے ہر گام پہ منزل رکھ دی |
| |
| خوب ہے آپ کا افسانہء پیمانِ وفا وصل کے باب میں کیا شرطِ مراحل رکھ دی |
| |
| مار ہی دیتا یہ سنّاٹا قفس کا لیکن شکر کر پاؤں میں آوازِ سلاسل رکھ دی |
| |
| اور کیا ہوتی ہے معراجِ کمالِ تمثیل دہر کے سامنے اک ہستیء کامل رکھ دی |
| |
| کردیا سہل مرا جادۂ منزل اس نے ایک اک گام پہ میرے لیے مشکل رکھ دی |
| |
| قلب کو میرے تلاطم کی محبّت دے کر فطرتِ ذہن میں ارزانیء ساحل رکھ دی |
| |
| ہو چلا قُربتِ منزل کا یقیں جب اشعؔر دوست نے راہ میں دیوارِ مسائل رکھ دی |
| |
No comments:
Post a Comment