گھاٹےکا یہ بھی سودا مرا فائدہِ میں ہے

گھاٹےکا یہ بھی سودا مرا فائدہِ میں ہے گم ہوکے بھی وہ شخص مرے راستہِ میں ہے

آنکھیں برس چکیں تو یہ عقدہ بھی کھل گیا امکاں جو ہے سکون کا دُکھ جھیلنے میں ہے

رونا منافقت کا جو روتا ہے صبح و شام وہ دوست ہے سبھی کا مگر دیکھنے میں ہے

سبّ و شتم کا تیرے یہی ہے مرا جواب ہر انعکاسِ لفظ ترے آئینے میں ہے

رہتے ہیں مصلحت کے دروبام میں جو لوگ اچھّا ہے ان میں کوئی نہ کوئی بُرے میں ہے

مُدّت ہوئی یہ سوچتے اپنا ہے وہ کہ غیر اب بھی ہمارا ذہن اسی مخمصہِ میں ہے

رکھو نظر میں اک ذرا قومی وقار بھی مانا کہ چاکری ہی تمہارے بھلے میں ہے

کیسے یقیں نہ ہو کہ سویرا بھی آئے گا پنہاں پیامِ نور ہی شب کے دیے میں ہے

اشعؔر پہ کج وفائی کا شک ہے تو کیا ہوا اک نقشۂ تکون تو ہر زاویہِ میں ہے