زندگی کو سہل کتنا جانِ جاں سمجھا تھا میں

زندگی کو سہل کتنا جانِ جاں سمجھا تھا میں اک تمہارے شوق کو بس امتحاں سمجھا تھا میں اب اسے بھی کہہ نہ دیجیے گا مری دانشوری دشمنِ جاں کو ہی اب تک مہرباں سمجھا تھا میں پھر تمہی سرکار کردیتے مری کچھ رہبری جب تمہارے سنگِ در کو آستان سمجھا تھا میں ہاں وہی لمحات میرے عشق کی معراج تھے شعلہ ہائے درد کو جب سائباں سمجھا تھا میں اس نے تو میری ہر اک حدِّ تصوّر توڑ دی مہرباں کو مہرباں اتنا کہاں سمجھا تھا میں میرے بال و پر جہاں کی سیر کرتے آئے ہیں اس حدِ پرواز کوہی آسماں سمجھا تھا میں کیا مرے اندر چھپا تھا اعترافِ جرم کچھ اس کو اپنے آپ سے کیوں بدگماں سمجھا تھا میں اشعؔرِ بسمل کی خاطر پھول! حیرت ہے جناب آپ لے کر آئیں گے تیر و کماں سمجھا تھا میں