بہت سا اضطرابِ جاں بہم ہے

بہت سا اضطرابِ جاں بہم ہے یقیناً آج دل میں درد کم ہے

ستم ہوتا رہے یونہی تو کیا غم توجّہ صرف مجھ پر ہے کرم ہے

پُکارا ہے جسے پیہم نفس نے وہ آتا ہی نہیں ہے کیا ستم ہے

اگر مئے ہی نہیں حاصل تو پھر کیا کوئی پیالہ سفّالی ہے کہ جم ہے

یہ دھو ڈالے گا داغِ کج وفائی مری نظروں میں جو تیرا بھرم ہے

نظر میں اپنی گر جائیں تو پھر کیا ہدف تو حاصلِ جاہ و حشم ہے

بُہت دن تک رہو گے یاد اشعؔر سُخن میں گر تمہارے کوئی دم ہے